b. Batatangguhan

22 Jun 2009

Patung Pulisi

Aku mulai baisukan tadi ada nang mangganjal dalam hati, malihat patung pulisi lawan pulisi nang bajaga di tangah jalan itu banyak banar kada samanya. Jadi, kanapa patung pulisi itu tangannya sabalah ka balakang sabalah ka higa awak, jar Amang Iram batakun.

Ha.. ha… mun patung pulisi sama lawan pulisinya, ba apa kita manggajih pulisi. Baik baulah patung haja, murah sadikit kada usaha maulahakan sakulahan pulisi, jar Rudy Puracit manjawab.

Itu kada masuk akal, cuba bapikir manjawab itu, jar Amang Iram.

Ha… ha.. ba apa aku bapikir basakit-sakit kapala, kada bahadiah ini, jar Rudi Puracit manyahut kada handak kalah. (fuz/bersambung)

————————————————————————————————–

“kanapa di Jakarta tu sing pagatan urang hilir mudik di jalanan siang malam”

karena…. mun pagat barataan, lain urang lagi ngarannya Bah ai.. tu ngarannya kuyang”

————————————————————————————————-

“di dalam mangariput, di luar mulus membeleneng bengkeng”…

“nenek tuha sudah mangariput, didudukakan di dalam mobil rolls royce nang hanyar keluaran pabrik”

————————————————————————————————–
Pantun Teka-Teki (Batatangguhan)
Manis madu si madu wanyi….
nyaman dinginum lawan hintalu
lamun sualku nang kaya ini
binatang apa bamata satu…..??
bangun awal di pagi hari
ka sakulah mambawa sangu
amun andika bijak bistari
jam apa nang timbul di banyu?..
maaflah kada ku padahkan jawabannya …….. tangguh ha saurang.
——————————————————————————————————————————————————————

1. Ikam amun mamilih, nang mana hakun, picak atawa tuli ?

Jawaban : Mamilih kada hakun kaduanya ai.

2. Ikam nang mana nang katuju, makan daging sapi atawa sate kambing ?

Jawaban : Kada hakun jua kaduanya, darah tinggi, pang.

3. Imbah ditatak inya basambung pulang. Nangapa, yu ?

Jawaban : Batang banyu.

4. Inya sudah bajasa, rila pulang digantung sampai mati karing. Nangapa, yu ?

Jawaban : Kambang barinting.

5. Inya badangsanak kambar, satia banar lawan bosnya. Saban hari inya dijajak haja, tagal inya sabar haja. Siapa, yu ?

Jawaban : Sandal.

6. Inya tamasuk nang satia banar. Saban wayahnya inya malapur. Tagal inya bisa mati. Siapa inya nitu, yu ?

Jawaban : Jam dinding.

7. Itik nangapa nang paling ganal saduniaan, nitu ada di mana, yu ?

Jawaban : Itik di Hamuntai (semacam patung berbentuk itik di kota Amuntai ibu kota Kabupaten Hulu Sungai Utara).

8. Itik nang diulah sati nitu bujurkah itik nang mati ?

Jawaban : Amun itik nang hidup, inya bagagah banarai.

9. Iwak nangapa nang paling halus ?

Jawaban : Iwak rabuk.

10. Nangapa bidanya roti bulu lawan hulat bulu ?

Jawaban : Roti bulu kawa dimakan. Hulat bulu hakunkah nyawa mamakan ?

11. Nangapa bidanya iwak haruan lawan iwak rabuk ?

Jawaban : Iwak haruan kawa diulah iwak rabuk, iwak rabuk kada kawa diulah iwak haruan.

12. Nangapa bidanya gila babi lawan babi gila ?

Jawaban : Gila babi nitu manusia, babi gila nitu babi.

13. Nangapa bedanya muntung lawan hidung ?

Jawaban : Muntung nyaman bamamakan, hidung mancium baunya banarai.

14. Nangapa bidanya tukang gunting lawan tukang sunat ?

Jawaban : Tukang gunting manatak rambut, tukang sunat manatak palir.

15. Nangapa bidanya manusia lawan iak baung ?

Jawaban : Manusia ada nang liur baungan, iwak baung kada ada nang liur manusiaan.

16. Nangapa bidanya manusia lawan samut ?

Jawaban : Manusia ada nang kasasamutan, samut kada ada nang kamanusiaan.

17. Nangapa bidanya manusia lawan kambing ?

Jawaban : Manusia ada nang sambahiyang balang kambingan, kambing kada ada nang sambahiyang.

18. Nangapa sasamaannya masin jahit lawan uyah ?

Jawaban : Sama-sama masin.

19. Nangapa sasamaannya tukang urut lawan tukang jual binsin ?

Jawaban : Sama-sama kada kawa jauh lawan minyak.

20. Nangapa kapanjangannya BA ?

Jawaban : Banjar asli atawa Barabai asli.

21. Nangapa kapanjangannya Pargum ?

Jawaban : Parsatuan guring malandau.

22. Nangapa kapanjangannya Parjasi ?

Jawaban : Parsatuan janggut seluruh Indonesia.

23. Nangapa kapanjangannya Umar ?

Jawaban : Untung masih ada rambut.

24. Nangapa kapanjangannya BBM ?

Jawaban : Bubuhan banyak makan.

25. Nangapa kapanjangannya BPL ?

Jawaban : Bubuhan pandir layau.

26. Nangapa kaahlian urang Halabiyu lawan urang Kalua ?

Jawaban : Urang Halabiyu bisa maharamakan hintalu, urang Kalua bisa mamanjangakan hintalu (logat Kalua : hintalu diucapkan hintaluuuuuu)

27. Nangapa diulah warik, amun inya handak turun ke bawah ?

Jawaban : Inya naik dahulu.

28. Nang kahilangan suka, nang mandapat sarik. Nangapa, yu ?

Jawaban : Kantut.

29. Nang mana nang labih tuha, hayam atawa hintalu ?

Jawaban : Kataraan.

30. Nang kaya apa amun puhun pisang kada ada lagi ?

Jawaban : Ngaliham mamais iwak, lawan maulah nasi pundut.

31. Nang dicatuk bailun, nang mancatuk baranai. Nangapa, yu ?

Jawaban : Agung.

32. Nang mana nang labih pintar, kambing atawa sapi ?

Jawaban : Kambing. Inya bisa manggiling tahi, sapi kada bisa.

33. Nang mana nang labih tuha, pais pakasam atawa pais anakan ?

Jawaban : Labih tuha pais pakasam (Pak asam labih tuha dari anak-an).

34. Nasi nangapa nang kada kawa bangun ?

Jawaban : Nasi guring.

35. Nasi nangapa nang kada mau kurus ?

Jawaban : Nasi lamak.

36. Nasi nangapa nang bisa bajajalanan ?

Jawaban : Nasi raun. (Rawon).

37. Naik ke atas nyiur, imbah nitu maluncat ka atas bubungan rumah. Siapa nang kawa ?

Jawaban : Nitu gawian nang kada jadi baras.

Sumber : http://carritawisatacontent4.blogspot.com


TAGS


Comment
-

Author

Follow Me